'പളളം' എന്ന ഡോക്യുമെൻ്ററി-കൗതുകകരവും ഏറെ വിജ്ഞാനപ്രദവും

ഇന്നലെ കൊട്ടയാടുള്ള നമ്മുടെ രാധാകൃഷ്ണൻ മാസ്റ്ററുടെ വീട്ടിൽ വച്ച് ജയേഷ് പാടിച്ചാൽ സംവിധാനം ചെയ്ത (ക്യാമറയും) 'പളളം' എന്ന ഡോക്യുമെൻ്ററി കണ്ടു.
4 വർഷമെടുത്താണത്രേ 28 മിനിറ്റ് ദൈർഘ്യമുള്ള ഈ ഡോക്യുമെൻററി നിർമ്മിച്ചത്.

എന്തായാലും പള്ളം കൗതുകകരവും ഏറെ വിജ്ഞാനപ്രദവുമായ ഒരു ഫിലിമാണ്.
പള്ളം എന്നു പറഞ്ഞാൽ ജീവജാലങ്ങൾക്കു് അന്നവും അഭയവും ദാഹജലവും നൽകുന്ന ചെങ്കൽ പ്രദേശങ്ങളിലുള്ള താഴ്ന്ന നിലങ്ങളിലെ വെള്ളക്കെട്ടുകളാണെന്നാണ് അദ്ദേഹം ആ മുഖം നൽകിയതിൽ നിന്ന് മനസ്സിലാക്കാനായത്.

മഴക്കാലത്ത് രൂപപ്പെടുന്ന ഇത്തരം ജലാശയങ്ങൾ കാസർഗോഡ് ജില്ലയിൽ ധാരാളമുണ്ടത്രേ.

മനോഹരമായ ഫ്രെയ്മുകളിൽ പള്ളങ്ങളെ ആശ്രയിച്ചു കഴിയുന്ന കൂത്താടി മുതൽ കുറുക്കൻ വരെയുള്ള പക്ഷി -മൃഗ ജാലങ്ങളെ പരിചയപ്പെടുത്തിയും അവയുടെ ഇണചേരൽ പ്രജനനം, ജീവ സാന്താരണം വരെ  പ്രൊഫഷണൽതികവിൻ്റെ സൂക്ഷമതയോടെ പകർത്തിയിരിക്കുന്നു ജയേഷ്. വിവിധയിനം പക്ഷികളും മത്സൃങ്ങളും, തവളകൾ, പാമ്പുകൾ, ചെറു മൃഗങ്ങൾ അടക്കമുള്ള ജീവികളെല്ലാം ഇവിടെ അണിനിരക്കുന്നണ്ട്.

 മനുഷ്യൻ്റെ ദുഷ്ചെയ്തികളും, കൊള്ളരുതായ്മകളും മൂലം പള്ളങ്ങൾക്കുണ്ടാവുന്ന നാശവും തദ്വാര ജീവജാലങ്ങളനുഭവിക്കുന്ന ദുരിതവും ദുരന്തവും എടുത്തു കാണിച്ചാണ് ചിത്രം അവസാനിപ്പിക്കുന്നത്

ദൃശ്യങ്ങൾക്കനുസരിച്ചുള്ള സാരവത്തായ സ്ക്രിപ്റ്റും, പ്രൗഡോജ്വലമായ നരേഷനും കാഴ്ചയെ സഹായിക്കയും ദൃശ്യങ്ങൾ ബാക്കി വച്ച കുറവ് പരിഹരിക്കയും ചെയ്യുന്നു.
പരിസ്ഥിതി സൗഹൃദ ജീ വിതത്തെക്കുറിച്ച് തലമുറകളെ ബോധവൽക്കരിക്കുന്ന ഈ ചിത്രത്തിൻ്റെ പിന്നിൽ നമ്മുടെ ജിതേഷ് കമ്പല്ലൂർ മാഷ് കൂടി ഉണ്ടെന്നറിയുന്നു.👏👏

രാധാകൃഷ്ണൻ മാഷിൻ്റെ റിട്ടയർമെൻ്റ് ചടങ്ങുകളുടെ ഭാഗമായാണ് ചിത്രമവിടെ പ്രദർശിപ്പിച്ചത്.🙏🌹🌹

എന്തായാലും ചിത്രത്തോടൊപ്പം മാഷ് ടെ മനോഹരമായ വീടും ഇന്നലെ ഇങ്ങനെ കാണാനായി.-
************************************************************************************
എനിക്ക് പള്ളം എന്ന ഡോകുമെന്ററിയിലൂടെ മനസ്സിലായത് നമ്മൾ ജീവികളേയും പക്ഷികളേയും ഉപദ്രവിക്കരുത്. നമ്മൾ അവയെ സ്നേഹിക്കുകയാണ് ചെയ്യേണ്ടത്. പക്ഷികൾ മുട്ടയിടുന്നതും അവ കൂട്ട് കൂടുന്നതുമൊക്കെ യാ ണ് എനിക്ക് ഇതിൽ നിന്നു മനസ്സിലായത്. മുങ്ങാം കോഴി ഇത് കൂട് ഉണ്ടാക്കുന്നത് ചണ്ടിയും പ്ലാസ്റ്റിക്കും കൊണ്ടാണ്.പിന്നെ ഒരു പ്രത്യേക തയുണ്ട്. ഇവറ്റകൾ മുട്ട ഇടാനാകുമ്പോഴാണ് കൂട് ഉണ്ടാക്കുന്നത്. പിന്നെ കുറേ പക്ഷികളേയും മൃഗങ്ങളേയും മീനുകളേയും ഒക്കെ കാണാൻ സാധിച്ചു.പിന്നെ എനിക്ക് ഇതിൽ നിന്ന് ഒരു കാര്യം കൂടി മനസ്സിലായി. ഒരിക്കലും മൃഗങ്ങളേയും പക്ഷികളേയും കൊല്ലരുത്. അങ്ങിനെ ചെയ്താൽ ദൈവം പോലും പൊറുക്കൂല. ഇത് ഓർക്കുക.ഈ പള്ളം എന്ന മൂവി സംവിധാനം ചെയ്തത് ജയേഷ് പാടിച്ചാൽ ആണ്- ദേവപ്രിയ മനോജ്, കൊട്ടയാട് കവല, ആലക്കോട്.( എഡിറ്റ് ചെയ്യാതെ വാട്സ പ്പിൽ ടൈപ്പ് ചെയ്തത് സി.കെ.രാധാകൃഷ്ണൻ മാസ്റ്റർ )
 ******************************************************************************
പള്ളം - ഒരു ജീവാഭയം
Pallam-an arc of life
30mts
Full HD

Camera
Direction
Jayesh padichal
   
Sound, Editing
Sethu k padoli

Script; commentary
Dr. E. Unnikrishnan

Producer

Ecofolk
an initiative for green communication 

Address

Ecofolk
Sataveri
Kandoth
Payyannur
670307

Email
 kavunni@gmail.com
 *******************************************************

" ജീവജലം" എന്ന കനിവിന്റെ പുരസ്ക്കാരം നേടാൻ മധ്യവേനൽ അവധി നാളുകളിൽ കുട്ടികൾക്കൊരവസരം.

പ്രി യരെ, വേനൽ  കടുക്കുകയാണ് പറവകൾക്കായി കരുതാം നമുക്കൊരിറ്റു വെള്ളം..." ജീവജലം" എന്ന കനിവിന്റെ പുരസ്ക്കാരം നേടാൻ മധ്യവേനൽ അവധി നാളുകളിൽ  കുട്ടികൾക്കൊരവസരം.
ലക്ഷ്യം കുട്ടികൾ പ്രകൃതിയേയും, ജീവജാലങ്ങളേയും കുറിച്ച് അവബോധമുള്ളവരായി വളരേണം എന്ന ആഗ്രഹം മാത്രം... 
10,001 പത്തായിരത്തൊന്ന് രൂപ സമ്മാനതുകയും പ്രശസ്ഥിപത്രവും, ശിൽപ്പവുമാണ് വിജയികൾക്ക് നൽകുന്നത് മൂന്ന് വിജയികളെ തിരഞ്ഞെടുക്കും യഥാക്രമം 5001,3001,2001, ഇങ്ങനെയാണ് സമ്മാനതുക നൽകുക ( മഴക്കാലം തുടങ്ങും വരെയാണ് തുടരേണ്ടത്. വിജയികൾക്ക് പുരസ്ക്കാരം നൽകുന്ന ദിവസം പകർത്തിയ ദൃശ്യങ്ങളുടെ പ്രദർശനവും റിപ്പോർട്ട് അവതരണവും പക്ഷി നിരീക്ഷണ ക്ലാസ്സും പ്രൊഫസർ ഇന്ദുചൂഡൻ മാഷിന്റെ കേരളത്തിലെ പക്ഷികളുടെ പുതിയ പതിപ്പായ പുസ്തകവും ഒരു ദിവസത്തെ പക്ഷി നിരീക്ഷണ യാത്രയും ഒപ്പം പക്ഷി ചിത്രം പകർത്താനുള്ള ഫോട്ടോഗ്രാഫി ക്ലാസ്സും നൽകുന്നതാണ് പറവകളെക്കുറിച്ചുള്ള കഥയും കവിതയും തയ്യാറാക്കുന്നവർക്ക് പ്രത്യേക സമ്മാനം നൽകുന്നതാണ്)

ചെയ്യേണ്ടുന്നത് ഇത്രയുമാണ്
ചിത്രത്തിൽ കാണുന്നതുപോലെ
മൺപാത്രങ്ങളിൽ ശുദ്ധജലം നിറച്ച് അതിൽ വരുന്ന പക്ഷികളുടെ നിറവും, വലിപ്പവും,സ്വഭാവ സവിശേഷതകളും
നിരീക്ഷിച്ച് വിവരണങ്ങൾ സമയവും തീയതിയും ഉൾപ്പെടെ രേഖപ്പെടുത്തണം
  ഫോട്ടോകളും വീഡിയോയും അടങ്ങുന്ന ശേഖരം തയ്യാറാക്കുക
മൊബൈലിൽ പകർത്തിയവയും സ്വീകരിക്കുന്നതാണ്
വെള്ളം അഴുകുമ്പോൾ മാറ്റി നിറയ്ക്കാൻ ശ്രദ്ധിക്കുമല്ലൊ
എറ്റവും കൂടുതൽ ഇനം വെള്ളം കുടിക്കാനെത്തുന്ന പക്ഷികളുടെ വിവരണവും ചിത്രങ്ങളും മറ്റു നിരീക്ഷണ വിവരങ്ങളുടെയും മേന്മ മുൻനിർത്തിയാണ് വിജയികളെ തിരഞ്ഞെടുക്കുക
കൂടുതൽ വിവരങ്ങൾ അറിയുവാൻ ഈ നമ്പറിൽ ബന്ധപ്പെടുക 9747602581
 പറവകൾക്ക് വേണ്ടി എന്നാൽ സാധിക്കുന്നൊരു കാര്യം ചെയ്യാനുള്ള ശ്രമമാണിത് എല്ലാ സുമനസ്സുകളും കൂടെ കൂടുമല്ലൊ...
നാളെ മുതൽ തന്നെ ശ്രമിക്കുമെന്ന പ്രതീക്ഷയോടെ -ജയേഷ്  പാടിച്ചാൽ...

ഔഷധ സസ്യ വിജ്ഞാന വ്യാപന കേന്ദ്രത്തെ പുനരുജ്ജീ വിപ്പിക്കുക ,ആകർ ഷണീയമായി നിലനിർത്തുക .

 ഔഷധ സസ്യ വിജ്ഞാന വ്യാപന കേന്ദ്രത്തെ  പുനരുജ്ജീ വിപ്പിക്കുക ,ആകർ ഷണീയമായി നിലനിർത്തുക .
മരുന്ന് കമ്പനി യായ ഔഷധി യുടെ മരുന്ന് ശേഖരണ വിതരണ കേന്ദ്രം പരിയാരം മെഡിക്കൽ കോളേജിന് തൊട്ടടുത്താണ് .ഔഷധസസ്യങ്ങൾ തേടി അവിടെയെത്തിയ ഞാൻ ഔഷധ സസ്യ വിജ്ഞാന വ്യാപന കേന്ദ്രം എന്ന ബോർഡ് കണ്ടു വലിയ പ്രതീക്ഷകളോടെ അകത്തു കയറി . അതി മനോഹരമായ ഒരു ഡിസൈനിൽ പണിത ഈ ഔഷധ തോട്ടം നാടിന് മുതൽക്കൂട്ടാ വേണ്ടതാണ് .ഓരോ ചെടിയെയും അതിന്റെ ഒരു പ്രധാന  ഉപയോഗത്തിനെയും പരിചയപ്പെടുത്തുന്ന ബോർഡുകൾ ആണ് അതിന്റെ  ആകർഷണീയത .ആദ്യകാല ത്തു ഇത് ഭംഗിയായി ക്രമീകരിച്ചിട്ടുണ്ടാവണം .ഓരോ ചെടിയും അതിന്റെ കൂടെയുള്ള ബോർഡും ഒരിക്കലും മറക്കാത്ത ഒരു അറിവ് പകരുന്നതാണ് .പക്ഷെ ഇവിടത്തെ ഇപ്പോഴത്തെ സ്ഥിതി അതി  ദയനീയമാണ് .പല ബോർഡുകളും പിഴുതെടുത്തു കൂട്ടിയിട്ട നിലയിലാണ് .പല ചെടിച്ചട്ടികളും ശൂന്യവും വേണ്ടത്ര നന കിട്ടാത്തവയുമാണ് .ചിലതിനടുത്തു  ബോർഡ് മാത്രമേയുള്ളു .ചിലതിൽ പുല്ലും മുള്ളും നിറഞ്ഞു അതുമായി യാതൊരു ബന്ധവുമില്ലാത്ത ബോർഡും വച്ചിട്ടുണ്ട് .തണലു കിട്ടാൻ ഷീറ്റുകളിട്ടിട്ടുണ്ട്.തൊട്ടടുത്തു വാട്ടർ ടാങ്കുണ്ട് .ടാങ്കിനു ഘടിപ്പിച്ച പൈപ്പുമു ണ്ട്‌ .തോട്ടക്കാരനില്ല.അല്ലെങ്കിൽ വേണ്ടത്ര ശ്രദ്ധ ചെടികൾക്ക് കിട്ടുന്നില്ല .കൃത്യമായ മാനേജ്മെന്റില്ല .കാടുപിടിച്ചു ഉപേക്ഷിക്കപ്പെട്ട തോട്ടം കാണുമ്പോൾ മനസ്സിൽ നൊമ്പരം നിറയും .ഇങ്ങിനെ പോയാൽ  ഈ തോട്ടം നശിച്ചുപോകും .അടുത്ത തലമുറക്ക് അതി പ്രധാനമായ അറിവുകൾ പകരാൻ ആവിഷ്കരിക്കപ്പെട്ട അതി സുന്ദരമായ ഒരു പ്രോജക്ട് ഇങ്ങിനെ തകർക്കുകയാണല്ലോ.ഇതിനെതിരെ പ്രതിഷേധിക്ക ണം .ചെടികൾക്ക് വേണ്ടുന്ന ദൈനം ദിന പരിചരണം ഉറപ്പു വരുത്താനും ഭാവനാ സമ്പന്ന മായ ഈ പ്രോജക്ടിനെ എത്രയും പെട്ടെന്ന് പിനരുജ്ജീവിപ്പിക്കാനും വേണ്ടുന്ന നടപടികൾ എടുക്കണമെന്ന് ബന്ധപ്പെട്ട അധികാരികളോടും നാട്ടുകാരോടും അഭ്യർത്ഥിക്കുന്നു .

കൂട്ടത്തിൽ പറയട്ടെ ,ഔഷധ ചെടികൾ വില്പനക്കും വിദ്യാഭ്യാസ സ്ഥാപനങ്ങൾക്കു സൗജന്യമായും ലഭ്യമാക്കുന്ന അതി ബൃഹത്തായ ഒരു നഴ്‌സറി ഔഷധിയുടെ ഉടമസ്ഥതയിൽ  ഇതിനടുത്തു പോലിസ് സ്റ്റേഷൻ റോഡിൽ വിശാലമായ പറമ്പിൽ കാര്യക്ഷമമായി പ്രവർത്തിക്കുന്നുണ്ട് .
കൂടുതൽ ചിത്രങ്ങൾക്കും വിവരങ്ങൾക്കും http://savenaturesavemotherearth.blogspot.com/
എന്ന ബ്ലോഗ് സന്ദർശിക്കാം .
follow up

STEP 1 :send messages to peoples' representatives .

I HAVE DONE IT. PLS DO IT TO PROTECT THE OUSHADHI GARDEN.

ACT NOW

BIODIVERSITY CONGRESS

Financial aid for environment seminars

OCT 13 നു രാവിലെ 10 മണിക്ക് ജില്ലാതല ചിത്രരചനാ മത്സരം അന്നൂരിൽ

OCT13 നു രാവിലെ 10  മണിക്ക് പ്രകൃതിയും മനുഷ്യനും എന്ന വിഷയത്തിൽ LP/UP/HS/HSS വിഭാഗങ്ങളിലായി കണ്ണൂർ -കാസർഗോഡ് ജില്ലാതല ചിത്രരചനാ മത്സരം അന്നൂരിൽ .വിശദവിവരങ്ങൾക്ക് ഫോൺ നം :944604 9105,9447438627.