FARMING IN THE TIMES OF COVID

ബഹു: കേരളാ മുഖ്യമന്ത്രിക്ക്
     കൊറോണാന്തരം ഉണ്ടായേക്കാൻ സാധ്യതയുള്ള ഭക്ഷ്യക്ഷാമത്തിൽ നിന്ന് രക്ഷനേടാനുള്ള കരുതൽ എന്ന നിലയ്ക്ക് നമ്മുടെ വീട്ടുപറമ്പുകളിൽ പച്ചക്കറികൾ ,കപ്പ ,കാച്ചിൽ, ചേന ചേമ്പ് തുടങ്ങിയവ കൃഷി ചെയ്യണമെന്നുള്ള താങ്കളുടെ നിർദ്ദേശം അക്ഷരംപ്രതി നടപ്പിലാക്കിയതിൻ്റെ സംതൃപ്തിയിലാണ് ഞാൻ. താങ്കൾ പത്രസമ്മേളനത്തിലൂടെ അറിയിച്ചതിൻ്റെ പിറ്റേ ദിവസം മുതൽ ഞാനെൻ്റെ 25 സെൻ്റ് പുരയിടത്തിൽ കൃഷിയാരംഭിക്കുകയും മുന്നാംഘട്ട ലോക് ഡൗൺ അവസാനിക്കുന്ന മെയ് 17ന് അതായത് ഇന്ന് കൃഷി അവസാനിക്കുകയും ചെയ്തു. ഒന്നാം ഘട്ട ലോക്ക്ഡൗണിൽ ടെറസിലും പറമ്പിലും ആരംഭിച്ച പച്ചക്കറി കൃഷിയിൽ നിന്ന് ഞങ്ങൾക്കാവശ്യമായ പച്ചക്കറികൾ ലഭിച്ചു തുടങ്ങിയിട്ടുണ്ട്.കൂടുതലുളളവ എൻ്റെ അയൽപക്കത്തെ വീടുകളിലും നല്കുന്നുണ്ട്. പകരം അവരുടെ വീട്ടിലുള്ളവ ഞങ്ങൾക്കും ലഭിക്കുന്നുണ്ട്. രണ്ടാം ഘട്ട ലോക്ഡൗണിലെ പച്ചക്കറി കൃഷി വളർന്നുതുടങ്ങിയതേയുള്ളൂ. മൂന്നാം ഘട്ട ലോക്ക് ഡൗൺകൃഷിക്ക് സ്ഥലമൊരുക്കി മഴക്കായി കാത്തു നില്ക്കുന്നു. പച്ചക്കറിക്ക് പുറമേ താഴെപ്പറയുന്ന കൃഷിയാണ് ഞാൻ പൂർത്തിയാക്കിയത്.
1 ചേമ്പ് 20 എണ്ണം.
2 ചേന 69 എണ്ണം
3 കപ്പ 25 എണ്ണം
4 കാച്ചിൽ 12 എണ്ണം
5 വാഴ.  16 എണ്ണം
6 മഞ്ഞൾ 97 കഷണം
7 ഇഞ്ചി ' 32 കഷണം
    മുഴുവൻ കൃഷിപ്പണിയും ഞങ്ങൾ സ്വന്തമായിത്തന്നെയാണ് ചെയ്തതെ ന്നുകൂടി അറിയിക്കട്ടേ.
                        ആദരപൂർവം
                         പി.കുഞ്ഞിക്കണ്ണൻ
                            ഏ.സി.കണ്ണൻ നായർ സ്മാരക ഗവ:യു .പി സ്കൂൾ മേലാങ്കോട് 'പി.ഓ കാഞ്ഞങ്ങാട്. കാസറഗോഡ്. 949683 0744