ഹരിത പദ്ധതി കാര്യശേഷി വികസനം BY KILA
തദ്ദേശ സ്വയംഭരണ സ്ഥാപന ജനപ്രതിനിധികൾക്കും ഉദ്യോഗസ്ഥര്‍ക്കുമുള്ള പരിശീലനം
കേരളത്തിന്റെ കാലാവസ്ഥയെയും പ്രകൃതി സമ്പത്തിന്റെ നിലനില്പിനേയും സ്വാധീനിക്കുന്ന പ്രദേശമാണ് ലോകത്തിലെ തന്നെ ജൈവ വൈവിധ്യ ഹോട്ട്സ്പോട്ടുകളില്‍ ഒന്നായ പശ്ചിമഘട്ട മലനിരകള്‍. കേരള സംസ്ഥനത്തെ ഈര്‍പ്പമുള്ള ഉഷ്ണമേഖലാ പ്രദേശത്ത് സ്ഥിതി ചെയ്യുന്ന ഈ മലനിരകളില്‍ (ഹൈറേഞ്ച് മൗണ്ടെയ്ന്‍ ലാന്ഡ്സ്കേപ്പ് - എച്ച്.ആര്‍.എം.എല്‍) വളരെ വ്യത്യസ്തമായ കാലാവസ്ഥയാണുള്ളത്. ജൈവ വൈവിധ്യങ്ങളാല്‍ സമ്പന്നമാണ് ഈ ഭൂപ്രദേശം. നമ്മുടെ പ്രകൃതി വിഭവങ്ങള്‍ സംരക്ഷിച്ച് വരും തലമുറയ്ക്ക് കൈമാറാന്‍ നാം ഓരോരുത്തരും ബാധ്യസ്ഥരാണ്. പ്രദേശത്തെ മണ്ണ്, ജലം, ജൈവസമ്പത്ത്‌ എന്നിവയുടെ സംരക്ഷണം തദ്ദേശ സ്വയം ഭരണ സ്ഥാപനങ്ങളുടെ പ്രഥമ പരിഗണനാ വിഷയമാകേണ്ട കാലം അതിക്രമിച്ചിരിക്കുന്നു. ഈ വിഷയവുമായി ബന്ധപ്പെട്ട് നിരവധി പ്രവര്‍ത്തനങ്ങള്‍ തദ്ദേശ സ്വയംഭരണ സ്ഥാപനങ്ങള്‍ക്ക്നടത്താന്‍ സാധിക്കും.
പ്രകൃതി വിഭവങ്ങളുടെ സുസ്ഥിര ഉപയോഗത്തിനായി പ്രാദേശിക ഭരണ സ്ഥാപനങ്ങളുടെ ശേഷി വര്‍ദ്ധിപ്പിക്കുക എന്നത് പ്രധാനമാണ്. തദ്ദേശ സ്വയം ഭരണ സ്ഥാപനങ്ങളുടെ പദ്ധതികള്‍, രീതികള്‍, പ്രവര്‍ത്തനങ്ങള്‍ എന്നിവ ജൈവവൈവിധ്യത്തെ പരിപോഷിപ്പിക്കുന്നതിന് ഉതകുന്നതായിരിക്കുകയും, തദ്ദേശ സ്വയം ഭരണ സ്ഥാപനങ്ങളുടെ വാര്‍ഷിക പദ്ധതികള്‍ ജൈവവൈവിധ്യ പ്രവര്‍ത്തനങ്ങള്‍ പരമാവധി ഉള്‍പ്പെടുത്തിയിട്ടുള്ള ഹരിത പദ്ധതികളാണ് രൂപീകരിക്കേണ്ടത്.
ഗ്ലോബല്‍ എന്‍‌വയോണ്‍മെന്‍റ് ഫെസിലിറ്റി (ജി.ഇ.എഫ്.)യുടെ ധനസഹായത്തിലൂടെ ഭാരത സര്‍ക്കാരിന്റെ പ്രകൃതി വനം കാലാവസ്ഥ മന്ത്രാലയം, ഐക്യരാഷ്ട്ര വികസന പദ്ധതി (യു.എന്‍.ഡി.പി) എന്നിവ ഇന്ത്യ ഹൈറേഞ്ച് മൗണ്ടെയ്ന്‍ ലാന്ഡ്സ്കേപ്പ് (ഐ.എച്ച്.ആര്‍.എം.എല്‍) എന്ന പ്രോജക്റ്റ് ആരംഭിച്ചു. വിവിധ തരത്തിലുള്ള ഭൂപരിപാലന പ്രവര്‍ത്തനങ്ങള്‍ വഴി സുസ്ഥിരമായ ഉപജീവനമാര്‍ഗവും ജൈവവൈവിധ്യ സംരക്ഷണവും നടപ്പാക്കുന്നതിനു സംസ്ഥാനതലത്തില്‍ കേരള സംസ്ഥാന വനം, വന്യജീവി വകുപ്പും ഹരിത കേരളം മിഷനും ചേര്‍ന്നാണ് ഈ പദ്ധതി നടപ്പാക്കുന്നത്. ഇടുക്കി, എറണാകുളം, തൃശ്ശൂര്‍ ജില്ലകളിലായി പരന്നു കിടക്കുന്ന പശ്ചിമ ഘട്ട മലനിരകളിലെ 11 ഗ്രാമ പഞ്ചായത്തുകലിലാണ് യു.എന്‍.ഡി.പി.-എച്ച്.ആര്‍.എം.എല്‍. പ്രോജക്ട് നടപ്പാക്കുന്നത്. ഇതിന്റെ ഭാഗമായി പ്രസ്തുത ഗ്രാമപഞ്ചായത്തുകളില്‍ 2021-22 വര്‍ഷത്തെ വാര്‍ഷിക പദ്ധതിയും 2022-27 ലെ പതിനാലാം പഞ്ചവല്‍സര പദ്ധതിയും ഹരിത പദ്ധതിയായി തയ്യാറാക്കുന്നതിനുള്ള കാര്യശേഷി വികസന പരിശീലനമാണ് ഈ ഓണ്‍ലൈൻ കോഴ്സിലൂടെ നല്‍കുന്നത്.
ഉദ്ദേശ്യ ലക്ഷ്യങ്ങള്‍
ഹരിത പദ്ധതി തയ്യാറാക്കുന്നതിന്റെ ഭാഗമായി പ്രസ്തുത പ്രദേശത്തെ തദ്ദേശ സ്വയംഭരണ സ്ഥാപന ജനപ്രതിനിധികള്‍ക്കും, ഉദ്യോഗസ്ഥര്‍ക്കും, മറ്റ് സാമൂഹ്യ സംഘടനകളായ വനസംരക്ഷണ സമിതി, കുടുംബശ്രീ, എക്കോ ഡെവലപ്മെന്‍റ് കമ്മിറ്റി, ബി.എം.സി, വിദ്യഭ്യാസ സ്ഥാപനങ്ങള്‍ തുടങ്ങിയ പ്രവര്‍ത്തകര്‍ക്കും സുസ്ഥിര വികസന കാഴ്ചപ്പാട് ലക്ഷ്യം വെച്ച് ജൈവവൈവിധ്യ പരിപാലനം മുന്‍നിര്‍ത്തിയുള്ള ആസൂത്രണവും പങ്കാളിത്തവും സൃഷ്ടിക്കുന്നതിനുമുള്ള കാര്യശേഷി വികസനം നല്‍കുക എന്നതാണ് ഈ കോഴ്സിന്‍റെ ലക്ഷ്യം.
പരിശീലന വിഷയങ്ങള്‍
ഹരിത പദ്ധതി കാര്യശേഷി വികസനം - ആമുഖം
ജൈവവൈവിധ്യ സംരക്ഷണവും സുസ്ഥിരതയും മനുഷ്യക്ഷേമവും
പരിസ്ഥിതി-വനം- വന്യജീവി സംരക്ഷണ നിയമങ്ങളും, നിന്ത്രണങ്ങളും
ജൈവവൈവിധ്യ സംരക്ഷണവും നിര്‍ദ്ദിഷ്ട മേഖലകളും
ഹരിത പദ്ധതി രീതിശാസ്ത്രം
ഹരിത പദ്ധതി രൂപീകരണം – പ്രവര്‍ത്തനം
പരിശീലന പങ്കാളികള്‍
തദ്ദേശ സ്വയംഭരണ സ്ഥാപന ജനപ്രതിനിധികള്‍
ഗ്രാമ പഞ്ചായത്ത് ഉദ്യോഗസ്ഥര്‍, നിര്‍വ്വഹണ ഉദ്യോഗസ്ഥര്‍
ഗ്രാമ പഞ്ചായത്ത് വര്‍ക്കിംഗ് ഗ്രൂപ്പ് അംഗങ്ങള്‍
ഗ്രാമ പഞ്ചായത്ത് തല സന്നദ്ധ- സാമൂഹ്യ- പരിസ്ഥിതി പ്രവര്‍ത്തകര്‍
സാമൂഹ്യ സംഘടനകളായ വനസംരക്ഷണ സമിതി, കുടുംബശ്രീ, എക്കോ ഡെവലപ്മെന്‍റ് കമ്മിറ്റി, ബി.എം.സി, വിദ്യഭ്യാസ സ്ഥാപനങ്ങള്‍, തുടങ്ങിയവയിലെ പ്രവര്‍ത്തകര്‍.
പരിശീലന രീതി
വിർച്വൽ ക്ലാസ്സ്‌ റൂം - ഓൺലൈൻ പഠനം, വീഡിയോ ലക്ച്ചറിംഗ്, പി പി ടി പ്രസന്റേഷൻ
മൂല്യനിര്‍ണയം
ഓരോ സെഷന്റെയും അവസാനം ഒരു ലഘു പരീക്ഷ ഉണ്ടായിരിക്കും. പരിശീലനം സമയബന്ധിതമായി പൂര്‍ത്തീകരിക്കുന്നവര്‍ക്ക് പരിശീലന പോര്‍ട്ടലില്‍ നിന്ന് തന്നെ സര്‍ട്ടിഫിക്കറ്റ് ലഭ്യമാവുന്നതാണ്.
കോഴ്‌സിൽ നിന്നും ലഭിച്ച വിവരങ്ങൾ
ഹരിത പദ്ധതി കാര്യശേഷി വികസനം എന്നത് കൊണ്ട് ഉദ്ദേശിക്കുന്നത്
പ്രകൃതി വിഭവങ്ങളുടെ സുസ്ഥിര ഉപയോഗത്തിനായി പ്രാദേശിക ഭരണ സ്ഥാപനങ്ങളുടെ ശേഷി വര്‍ദ്ധിപ്പിക്കുക എന്നതാണ് .
ഹരിത പദ്ധതി എന്നത് ഒരു പുതിയ പദ്ധതി തയ്യാറാക്കലോ നിർവഹണമോ അല്ല മറിച്ചു വികസനപദ്ധതിയിൽ ഹരിതസമീപനം കൊണ്ടു വരിക എന്നതാണ് .
ആഗോളതലത്തിൽ 34 ജൈവവൈവിധ്യ ഹോട്സ്പോട്ടുകൾ ഉണ്ട് .
ജനിതക വൈവിധ്യം , ജീവിത വൈവിധ്യം , ആവാസവ്യവസ്ഥാ വൈവിധ്യം എന്നിവ സാധാരണ കാണപ്പെടുത്തുന്ന വിവിധ തരം ജൈവ വൈവിധ്യങ്ങളാണ് .
ഇന്ത്യയിലെ ജൈവ വൈവിധ്യ ഹോട്സ്പോട്ടുകൾ പ്രധാനമായും 4 വിഭാഗങ്ങളുണ്ട് .
അവ
കിഴക്കു പടിഞ്ഞാറൻ ഹിമാലയം ,വടക്കു കിഴക്കൻ ഇന്ത്യ ,നിക്കോബാർ ദ്വീപ സമൂഹം ,പശ്ചിമ ഘട്ടം എന്നിവയാണ് .
ജൈവ വൈവിധ്യ സംരക്ഷണ പ്രവർത്തനങ്ങൾക്കായി , സംസ്ഥാന ജൈവ വൈവിധ്യ ബോഡിന്റെ മേൽനോട്ടത്തിൽ എല്ലാ തദ്ദേശ സ്വയംഭരണ സ്ഥാപനങ്ങളിൽ രൂപീകരിക്കുന്ന എട്ടു അംഗങ്ങളുള്ള സമിതിയാണ് ജൈവവൈവിധ്യ നിയന്ത്രണ സമിതി (ബിഎംസി )
ജൈവവൈവിധ്യം എന്നത് ജൈവികമായ വൈവിധ്യം BIOLOGICAL DIVERSITY എന്നതു ലോപിച്ചുണ്ടായ പദമാണ്
ഇന്ത്യ മുഴുവന്‍ പ്രാബല്യത്തിലുള്ള വന്യജീവി സംരക്ഷണത്തിനായുള്ള നിയമം നിലവില്‍ വന്ന വര്‍ഷം?
വന്യജീവികളുടെ കടന്നു കയറ്റം മൂലം കൃഷിക്കാര്‍ക്കുണ്ടാകുന്ന സാമ്പത്തിക നഷ്ടം പരിഹരിക്കുന്നതിന്, ഗ്രാമ പഞ്ചായത്തുകള്‍ക്ക് വിനിയോഗിക്കാവുന്ന കേന്ദ്ര ഗവണ്‍മെന്റിന്റെ ഫണ്ട് ഏതാണ് ?.
പരിസ്ഥിതി സംരക്ഷണ നിയമം നിലവില്‍ വന്ന വര്‍ഷം ഏതാണ്?.
1961ലെ കേരള ഫോറസ്റ്റ് ആക്റ്റ്, 1962 നവംബര്‍ 27)o തീയതി കേരള ഗസറ്റില്‍ പ്രസിദ്ധീകരിച്ചതോടെ നിലവില്‍ വന്നു. ശരിയോ/തെറ്റോ.
ANSWERS
1972,പ്രധാൻ മന്ത്രി ഫസൽ ഭീമ യോജന,1986,ശരി
***********************************************************************
അ ജൈവ പാഴ്വസ്തുക്കൾ സൂക്ഷിക്കുന്നതിന് തദ്ദേശഭരണ സംവിധാനത്തിൽ വേണ്ടുന്ന സംവിധാനത്തിൻറെ പേര് ?
പുനരുല്പാദിപ്പിക്കാനാകാത്തതും ഭൂമിക്കടിയിൽ നിന്നും ലഭിക്കുന്നതുമായ ഊർജം -
ഒരു സ്ഥലത്തു ഒരു വില മാത്രം കൃഷി ചെയ്യുന്നതിനെ .....കൃഷിരീതി എന്നുപറയുന്നു .
ANSWERS
മിനി മെറ്റീരിയൽ കളക്ഷൻ ഫെസിലിറ്റി
ഫോസിൽ ഇന്ധനങ്ങൾ
ഏകവിളകൃഷിരീതി
തദ്ദേശ ഭരണ സ്ഥാപനത്തിന് ഹരിതപദ്ധതിയുമായി ബന്ധപ്പെട്ടു ചെയ്യാനുള്ളത്‌ .
PREVIOUS CERTIFFCATE
